Hindi Monologues

Male/female Monologue 1

Hum college mei ek hi class mei the. Hum acche dost tab bane jab hum ek class trip par gaye the. With time things started changing. Hum ek dusre ko pasand karne lage and we started dating. Har roz hum dates pe jaatei the. Kabhi movies, kabhi coffee, ice creams, milkshakes, sab kuch. Hum bahot khush the ek dusre ke sath which was enough for us. Ek din ek phone call aaya and everything changed. Woh phone par roye jaa rahi thi. Kuch bol nahi rahi thi. Baat yeh thi ke she had been to hospital for a routine checkup and her test results said she was HIV positive. Yeh sunte hi my body went still with shock. She kept cursing herself and I tried consoling her. Sab thik hoga. Kuch nahi badlega. Lekin chize badli. Uske parents, bahot se uske friends sab dur hone lage usse. Har kisi ka behavior uss ke liye badal gaya. Final year tha. Ussne college aana bhi band kar diya. She went into depression. Main toh tha hi lekin maine insist kiya ke she also goes to a therapist. She didn’t listen because yeh bhi ek taboo hai humari society mei. Main wait kar raha tha bas college pass kar lu and job lagte hi usse shaadi kar lu. Ek din mujhko phir ek phone call aaya. Who uss ke bhai ka tha. Main hospital pahocha lekin tab tak….(she slit her wrist and killed herself)

Male Monologue 2

Jab bhi dad waapis ghar aate the, toh unki cargo jacket ke pockets chocolates se bhare rehte the. I always wondered why? Kashmir mei jab unki posting hui, toh waha unhone dekha ke aisi kahi jagah hai jaha log Indian army se darte hai. Bade hi nahi chote bacche bhi. Yeh baat unhe maayus kar deti thi. Isliye unke paas itne chocolates hua karte the. Jab bhi koi Kashmiri ke paas se woh guzarte toh usse ek choclate de dete the. That was my father! Captain Mandeep Singh. Ek loyal Indian Army Officer lekin usse pehle ek Compassionate Human. Woh 1999 mei hue terrorist attack mei shaheed hue. Calls bade expensive hua karte the isliye dad humein letters likha karte the. Woh letters ab bhi mere paas hai. Woh sirf ek hi kaaran batate chuttiya na milne ka ke bas duniya mei shaanti pehel jaaye phir main ghar aaunga. War mei mujh jaise aur hazaar log hai jinhone apno ko khoya hai. Lekin kya humei iss baat ka badla lena chahiye ya phir humei shaanti aur aman lana chahiye kyuki jo humne khoya woh koi aur na khoye. Main peshe se ek writer hu and I want to dedicate my whole life to make people understand the importance of peace through my writings. Logo ko yeh bataana ke har masle ka hal jung nahi hai.

Male/Female Monologue 3

Mai chahta hu tum mujhe un sab chijo ke bare mein batao ..mai apne aapn inhe nahi samajh pata hu .. meri zindagi achi nahi hai tumhe lagta hoga woh hai par aisa nahi hai ek samay par thi par ab nahi hai.. ek samay par stupid see chije mujhe khush kar pati

thi jaise party sharaab nachna gana .. mere charo taraf log mujhe ache lagte the mujhe ghamand tha un bato ka …par ek din jab maine apne aap ko aaine me dekha toh mai khud ko pehchaan nahi paya mai koun tha kyu tha kaha tha .. kya kar raha tha .. mujhe dar lagne laga mai bahar jane se darta logo ko milne se darta .. mai chupna chahta tha khud ko dhakna chhata tha aur ek

din mujhe tum mili .. tum ho toh aaj mai hu tum nahi toh mai kuch bhi nahi .. mujhe tumhari jarurat hai .. tum meri ho .. but ur the whole problem in my life but you are my whole life mai chahta hu tum meri zindagi me raho please please!

Female Monologue

Veera: Aaj chocolate nahi laaye Shukla uncle?

Uncle: Abhi mangwaa kar dete hai

Veera: Kaha? Kaha denge? Yaha ya bathroom mei? Kya hua? yaad nahi aa raha? Main yaad karati hu. Meri princess. Duniya ki sabse khubsurat ladki hai meri bacchi. Yaad aaya? Apne hath se mera muh daba kar bandh kar dete the. Haa? Taaki meri chik bahar na nikle. Haa? Jo main chilaati thi jo main uss pain mei chikti thi who chik bahar naa nikle koi sunn na le isliye zor se mera muh dabate the sshhhhhh…. Ssshhhh…. Bathroom mei baar baar… nal chala kar… chikti thi… 9 saal ki thi… chikti thi magar who hath muh ke upar… dab gayi chik…. Kisi ne nahi suni… haa lekin… aisa toh hota hai… aisa toh hota rehta hai… toh kya hai na… I am not okay with it…. Yeh duniya jaha aisa hota rehta hai… jaha kya sach hai… kya jhut… kuch pata nahi hai… sab mixed… sab confusion hai yaha… may be because I am not sensible enough? But that’s fine I do not want to be sensible. I am stupid I will remain stupid… sensible? Veera… ghar ke bahar jaao toh careful rehna… ghar ke bahar bahot bure log hote hai… ladki ko hamesha careful rehna chahiye… toh yeh kyu nahi kaha ke mujhe ghar ke andar bhi careful rehna hai… aap logo se bhi bach ke rehna hai… yeh kyu nahi kaha… yaha toh main bilkul exposed thi… ghar mei thi main… toh mujhe nahi hona hai sensible… main bewakuf hu… main kharab hu… magar main aap logo mei se ek nahi hu… main waapis nahi aaungi…

Female Monologue

Nikal Li Sawari ..ha ?? Mard toh ghar ke piche baith jate hai, par hum to aurate hai hume toh har chij ke liye jyada mehnat karni padegi, hai na? kyuki samjhauta bhi humi ko karna hai, yahi toh sikhaya hai humari sanskriti ne..pet pakad ke  baitho, andhera hone ka intejaar karo, mard jo khule me karte hai tum andhero me karo par chup raho..mard agar buri nazar se dekhe toh yaha tak ghungat khich lo apna par chup raho.koi kamina jab subah torch light mare toh pichwada nahi chehra chupao taki wo bhi toh jake apne dosto ko bole “ bhaiya dekh to li par kiski dekhi pata nahi”.Roj gadio ne light mari tum par par sala buddhi na chamki tumhari,tum isi me khush ho ki sasural ki buraiya karne ka naya jariya mil gaya lota paati mein. Yeh thik hai neelam , period aagaya toh mandir ke bahar bitha diya,cheeta jal rahi ho toh shamshaan ke bahar aur halke hone jana ho toh gav ke bahar . kyun ???kyun banaye yeh niyam aur sirf humare liye kyu?? Galti unki thi par ab humari hai ..maine toh apni musibat ka hal nikala hai par tumhe toh yeh bhi nahi pata tum musibat mein ho

%d bloggers like this: